Opplev Oppdag Smak Partnarar
UNESCO World Heritage Centre Norges Verdsarv Vestnorsk fjordlandskap Delområde Nærøyfjorden
Aktuelt arkiv Partnarskap Organisasjon Verdsarvrådet Plandokument Regionalpark Styringsdokument Nettbutikk Revisjon av Parkplanen
Nærøyfjorden Verdsarvpark

Høgfjellet er eit av dei viktigaste rekreasjonsområda i verdsarvområdet. Det er nytta mykje om både sommar og vinter i form av ski- og fotturimse, og til dømes jakt og fiske. Fjordane er òg populære, med kajakkar, kanoar og robåtar i bruk. 

I området finst det ei mengd turar både for dei som ønskjer lette gåturar, dagsutflukter eller skikkelege langturar. Både Verdsarvparken og Den Norske Turistforening (DNT) har merka mange flotte turruter i området. I tillegg finns det fleire stølsvegar som er lette å følgje, gjerne med vandring på fjellet og lengre inn i området. Moglegheitene er størst innan spontane turar, men nokre organiserte turar vert arrangert kvart år. Ein turkalender er å finne på nettsida til Nærøyfjorden Verdsarvpark.

 

    • Aurlandsdalen

    • Rallarvegen i Flåmsdalen

    • Dei historiske vegane Vindhellavegen, Seltåsen og Sverrestigen -alle mellom Husum og Borgund stavkyrkje i Lærdal

    • Øvsthusdalen frå Stalheim

    • Ljosanddalen frå Mjølfjell

    • Ljosdalen frå Flåm

    • Jonadalen frå Undredal

    • Vegen frå Engi i Fresvik, om Fresvikbreen til stølsdalen Fresvik-Jordalen

    • Den gamle stølsvegen til Rimstigen med startpunkt på Bakka i Nærøyfjorden

    • Verdsarvturen på Rimstigen

    • Kongevegmarsjen på postvegen frå Bleiklindi til Styvi

    • Aurlandsmarsjen i Aurlandsdalen

    • Den norske Turistforening (DNT)

    • Stigen gard og Turer

    • Sivle gard

    • Dyrdal gard

    • Kystled Nærøyfjorden

    • Utsikten frå Prest i Aurland

    • Rasteplassen Stegastein på Aurlandsvegen mellom Aurland og Lærdal

    • Fjellet Beitelen som skil Nærøyfjorden og Aurlandsfjorden

    • Bakkasundet i Nærøyfjorden

    • Fresvikbreen

    • Utsikta frå toppen av Stalheimskliva

    • Fjellet Bleia mellom Aurlandsfjorden og Sognefjorden

Våre turanbefalinger:

Allemannsretten – gleder og plikter

Tenk, kor heldige vi er: Allemannsretten er eit gratis fellesgode som gir deg rett til å bruke utmarka, uavhengig av grunneigar. Vi har frå gamalt av hatt rett til å ferdast i skog og mark, etter elvane, på innsjøar, i skjergarden og til fjells. Hovudprinsippa i allemannsretten er lovfesta i friluftslova av 1957. Ein grunnregel for alle som nyttar seg av allemannsretten: Forlat naturen slik du gjerne vil finna den sjølv!

På beina og på ski kan du ferdast fritt i naturen, så lenge du viser omsyn og tek med deg alt avfall.

Ri og sykle kan du gjere på stiar og vegar.

Du kan plukke bær, sopp og vanlege blomar, men plukk ikkje trua og freda artar, som t.d. orkidear.

Kulturminne som gamle murar, fangstanlegg og gravrøyser er freda. Ikkje flytt på steinane.

Jakt og fiske er lov dersom du har jakt-/ fiskekort. Stongfiske er gratis for barn under 16 år. Det er ikkje lov å bruke levande fisk som agn. Du må heller ikkje ta med deg levande fisk eller vått fiskeutstyr frå eit vassdrag til eit anna.

Motorisert ferdsel, med unntak av båt på fjorden, er forbode i verneområda, med mindre du har særskilt løyve. Dette gjeld også elsykkel.

Vêret i fjellet kan skifte brått både sommar og vinter. Sommaren kan by på låge temperaturar og tjukk skodde. Vintersola kan fort skifte til tett snødrev.

Du er sjølv ansvarleg for å vurdere vêr og føre, form og ferdigheiter og å førebu deg med eigna klede og utstyr.

Dei ulike verneområda har eigne reglar. Sjå informasjon om det enkelte verneområde her.

Sporlaus ferdsel

 
Featured
Bål

Å tenne bål i skog og utmark er forbode frå 15. april til 15. september, bortsett frå på stadar som i vasskanten, der brannfaren er minimal. Bruk etablerte bålplassar og unngå å fyre opp rett på svaberg slik at berget sprekk. Sløkk bålet og rydd etter deg før du går.

Dyr

Vis omsyn til beitedyr og ville dyr. Hald hunden i band og lukk grindane. Villrein er ekstra sårbar på ettervinter og vår.

Toalett

Der det ikkje finst toalett, grav eit hol minst 30 m frå sti, bygg eller vasskjelde. Dopapir og våtserviettar er søppel som skal kastast i søppeldunken.

Stiar

Følg etablerte stiar – så slepp villrein og andre sky dyr å møte folk overalt. Unngå å kutte svingar, eller å trakke opp nye spor.

Dyre- og fugleliv

Uroa ikkje dyre- og fugleliv. Observer dyr og fuglar på avstand, bruk gjerne kikkert.

Vardar

Vardar er vegvisarar som hjelper deg å følgje ruta. Bygg ikkje nye vardar, då dette kan føre folk på villspor. Fjern ikkje stein frå gamle vardar. Dei er kulturminne.

I utmark

I utmark kan du telte så lenge du er minst 150 meter frå næraste hus eller hytte. Opne enger i låglandet er ofte innmark. Der kan du berre telte etter avtale med grunneigar. Bruk anbefalte teltplassar.

Rydd opp

Rydd opp etter deg og ta med alt avfall, inkludert eingongsgrill og våtserviettar.