Utstillingsopning “Vår verdensarv”
Fredag 8.mai kl 1300 ynskjer me hjarteleg velkomen til staseleg opning av utstillinga «Vår verdsarv» i Heradshuset i Aurland.
Me har fått på plass den nasjonale utstillinga som alle verdsarvområda i Noreg har fått tilbod om. Mange timar intenst arbeid frå ufatteleg mange menneske ligg bak dette resultatet.
Firma og desingnarar i fleire land har sett sitt preg på utforminga, og dyktige lokale handverkarar har lagt grunnlaget for å kunne plassere den i dette flotte bygget på Aurlandsvangen. Mange gode krefter har stilt sin kunnskap og erfaring til rådvelde, kvar einaste så viktig for å få dette til!
Nærøyfjorden Verdsarvpark er stolte over å no kunne invitere deg inn i ei slik flott utstilling, og saman med Riksantikvaren vonar me at du vil vere med å feire oss og alle dei gode hjelparane våre!
Programmet:
Velkomen v/ Gro Nesse-Bremer
Sang v/elevar frå ABU
Ordførar Kjell Bøe Bjørgum – tale
Dagleg leiar NVP Gry B.Mørk – tale
Sang v/elevar frå ABU
Ass. Riksantikvar Audun Skeidsvoll – tale og snorklipping
Utstillinga er open for publikum
Servering av kake, kaffi m.m.