GUIDA TUR TIL BLÅSKAVLEN

Matpause, med utsikt til breen.

Årets guida tur i verdsarvkommunen Aurland vart arrangert søndag 24.august. I strålande ver var det 20 personar som deltok på geologitur til Blåskavlen.

Turen vart arrangert av geolog Maiken som jobbar i verdsarvparken, og ho stilte som guide og formidlar. Ho har skrive masteroppgåva si om breen si utvikling etter siste istid, og presenterte spennande resultat frå dette arbeidet.

Området i front av Blåskavlen er dekka av ulike avsetningar, som vitnar om at breen tidlegare har hatt større utbreiing. Både morenar, avsetningar frå breelvar og store blokker vart presenterte som døme på korleis breen rykker fram.

Deltakarane fekk ein god smakebit på korleis det er å vere forskar i kvartærgeologi, samstundes som fjellet viste seg frå si beste side i vakkert vêr.

Parken takkar deltakarane for ein flott dag på tur!