Føredrag om fangstanlegg på Aurlandsfjellet 26.01 kl. 18
Er du nyfiken på funnet av det 1500 år gamle fangstanlegget på Aurlandsfjellet? Bli med på føredrag!
Sjefsarkeolog Leif Inge Åstveit frå Universitetet i Bergen kjem til Aurland måndag 26. januar kl. 18.00 for å halda føredrag om eit heilt unikt arkeologisk funn på Aurlandsfjellet.
Eit 1500 år gamalt fangstanlegg for reinsdyr, bygd av tre, har smelta fram frå isen på 1400 moh. Funnet er truleg unikt både i norsk og europeisk samanheng, og gjev ny innsikt i reinsfangst og samfunn i eldre jernalder.
Stad: Røde Kors-huset, Aurland
Ope for alle
Arrangørar: Aurland sogelag i samarbeid med Aurland kommune
Foto: Thomas Bruen Olsen, Universitetsmuseet, UiB