Verdsarvparken får storfint besøk på Heradshuset av Yggdrasil linjeforening ved institutt for bygg-, miljø- og naturvitskap, HVL campus Sogndal, kor studentane arrangerer Geologiens dag!

Visste du at berggrunnen i indre Sogn består av tre store plater stabla oppå kvarandre? Korleis kom desse på plass?

Jo, under ein enorm kollisjon mellom to kontinent! Velkommen til ein spennande dag med mange aktivitetar knytte til vulkanar, jordskjelv, mineral, brear og andre geologiske fenomen som formar landskapet rundt oss!

Geologi-studentar frå høgskulen på Vestland tek turen til Aurland på Geologiens Dag, og set opp ei geologi-løype for store og små, med quiz, overraskingar og premiar!

Arrangementet er i samarbeid med Norsk Geologisk Forening Sogn.

Håpar du kjem!